مہنگائی سے بے حال شہریوں کے لئے ایک اور بری خبر۔ جیو نیوز کے مطابق حکومت منی بجٹ میں مواصلاتی سروسز پر 5 فیصد تک ود ہولڈنگ ٹیکس بڑھانے پر غور کررہی ہے جس کے بعد عام صارف کے لئے ٹیلی کام سروسز اور انٹرنیٹ بھی مہنگا ہوجائے گا۔
جبکہ 2020-2021 کے بجٹ میں حکومت نے ٹیلی کام سیکٹر کے ٹیکس کو 12 فیصد سے کم کرکے 10 فیصد کیا تھا اور مزید کم کرکے 8 فیصد تک لانے کی یقین دہانی کروائی تھی۔ جبکہ اگر 5 فیصد ٹیکس بڑھایا گیا توٹیکس کی شرع 15 فیصد تک جاپہنچے گی۔ یاد رہے کہ پاکستان ٹیلی کام سیکٹر پر سب سے زیادہ ٹیکس ادا کرنے والے ممالک میں شامل ہے۔