کورونا وائرس نے پریشان کرکے رکھا ہوا ہے۔ کبھی دوسری لہر آتی ہے تو کبھی تیسری اور اب اومیکرون کی صورت میں آنے والے اس کورونا نے سب کو ڈرا کر رکھ دیا ہے۔ لیکن ایک امریکی خاتون کے ساتھ تو ڈرا ہی ہوگیا۔
خاتون ٹیچر مس ماریسا فیٹیو شکاگو سے آئس لینڈ جا رہی تھیں۔ جب انہوں نے جہاز میں سوار ہونے سے قبل اپنا کورونا ٹیسٹ کروایا تو منفی تھا۔ اس کے بعد وہ جہاز میں سوار ہوگئیں۔ دورانِ پرواز ان کو گلے میں شدید درد، کھچاؤ اور سانس کینے میں مشکل پیش آنے لگی۔ خاتون ٹیچر واش روم گئیں اور اپنا ریپڈ ٹیسٹ کٹ سے کورونا ٹیسٹ کیا تو ان کا کورونا مثبت آیا۔ جس کے بعد انہوں نے خود کو جہاز میں 5 گھنٹے کے لیے بند کر دیا۔
لیکن یہ واضح نہیں کہ آیا خاتون ٹیچر کا کورونا پازیٹوو جہاز میں سوار ہونے سے قبل کیوں نہیں آیا۔ دورانِ پرواز ہی کیسے ہوا۔ برطانوی میڈیا کے مطابق ٹیچر نے فلائٹ سے اترنے کے بعد آئس لینڈ کے مقامی ہوٹل میں خود کو قرنطینہ کر لیا ہے۔