بھارت میں پاکستانی کبوتر گرفتار کرنے کے واقعات تو بے تہاشا ہیں مگر کچھ واقعات ایسے ہوتے ہیں جو کہ بھارت کو دنیا کے سامنے ایک عجوبہ بنا کر پیش کرتے ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
پاکستان اور بھارت کے بارڈر سے ڈھائی کلومیٹر دور بھارت میں اس وقت خوف و ہراس پھیل گیا جب پی آئی اے کا ایک جہاز بھارت کے ایک چھوٹے سے گاؤں سجانا میں آ گیا۔
گھبرائیں مت، یہ کوئی اصلی جہاز نہیں تھا، بلکہ ایک غبارہ تھا جس کا ڈیزائن پی آئی اے کے جہاز جیسا تھا اور لال رنگ سے اس پر پی آئی اے بھی لکھا تھا۔
سوشل میڈیا پر وائرل ویڈیو میں دیکھا جا سکتا ہے کہ کس طرح اس غبارے کو ٹیبل سے باندھا ہوا ہے جیسے کہ یہ غبارہ کسی مشن پر تھا اور اسے پکڑ لیا گیا ہے اور اب بھاگنے سے روکا ہوا ہے۔
اس منفرد غبارے کی اطلاع مقامی لوگوں کی جانب سے پولیس کو دی گئی تھی جس کے بعد پولیس نے فورا ایکشن لیا گویا کوئی بہت بڑا کارنامہ سر انجام دے دیا ہو۔
بہر حال بھارت میں پاکستان کے خلاف ایک اہم کامیابی کے طور پر ایسے واقعات کو دیکھا جاتا ہے۔ واضح رہے ایسے کئی غبارے ماضی میں بھی بھارت نے تحویل میں لیے ہیں جو کہ پاکستانی فضا سے بھارتی فضا میں چلے جاتے تھے۔