مری میں کاروبار ٹھپ ہو کر رہ گیا ۔۔ تاجر تنظیم اور ہوٹل مالکان کی ہڑتال

17 جنوری تک مری کا بائیکاٹ کردیا گیا، جب تک کوئی بھی سیاح مری نہیں جاسکے گا۔ جس سے نہ صرف مقامی لوگوں کا کوروبار ٹھپ ہو کر رہ گیا ہے بلکہ ہوٹل مالکان بھی سڑکوں پر آگئے ہیں۔ مری میں سیاحوں کی آمد پر پابندی کے باعث سول سوسائٹی تاجروں اور ہوٹل مالکان نے مری ایکسپریس وے مسیاڑی کے مقام پر احتجاجی دھرنا دے دیا ہے۔ برفانی طوفان سے مری میں 23 افراد کی اموات کے بعد حکومت نے مری میں سیاحوں کی آمد پر پابندی لگا دی تھی۔ آج مری میں کاروباری مراکز مکمل طور پر بند تھے۔ کل بھی بند رہنے کا امکان ہے۔ ان کا کہنا ہے کہ جب تک سیاحوں کی آمد کو نہیں کھولا جائے گا جب تک ہمارا دھرنا جاری رہے گا۔ کیونکہ ہمارا کاروبار ختم ہو کر رہ گیا ہے اگر ایسا ہی رہا تو ہمارا بہت نقصان ہو جائے گا ویسے ہی ہم خسارے میں چل رہے ہیں۔