پاکستان کے مشہور و معروف گلوکار ساحر علی بگا نے اپنے کانسرٹ کے درمیان اذان کا احترام کرتے ہوئے بینڈ رکوا دیا۔
سوشل میڈیا پر ان کی ویڈیو بہت وائرل ہو رہی ہے اور لوگوں کی جانب سے ان کا یہ عمل بے حد پسند کیا جا رہا ہے کہ کانسرٹ کے درمیان اذان کو ترجیح دے کر گانا روک دیا۔
سوشل میڈیا پر وائرل ہونے والی ویڈیو میں دیکھا جاسکتا ہے کہ گلوکار ساحر علی بگا اسٹیج پر اپنا اور آئمہ بیگ کا گانا مست ملنگ گارہے ہیں کہ اتنے میں اذان شروع ہوجاتی ہے۔
ساحر علی بگا اذان کی آواز سن کر کہتے ہیں کہ میوزک بند کریں جب کہ لوگوں کو بھی خاموش ہونے کا کہتے ہیں۔
گلوکار کو یوں اذان کا احترام کرنے پر سوشل میڈیا صارفین کی جانب سے خوب پذیرائی حاصل ہورہی ہے جب کہ سوشل میڈیا کے کئی پلیٹ فارمز پر ان کی ویڈیو تیزی سے وائرل ہورہی ہے۔