مجھے ارینج میرج سے بچاؤ کا اشتہار دینے والے نوجوان محمد ملک کی قسمت چمک اٹھی اور ان کے لیے رشتوں کی قطاریں لگ گئیں۔ اشتہار دینے والے محمد ملک سے بہت سی فیملیز نے رابطہ کیا ہے۔
انہوں نے اپنے رشتے کے لیے خاص طور پر ایک شاہراہ پر بل بورڈ کا سہارا لیا تھا۔انتیس سالہ نوجوان کی ہنستی مسکراتی تصویر کے ساتھ “ارینج میرج سے بچاو” کا بل بورڈ سب کی توجہ کا مرکز بنا۔
بی بی سی کے مطابق اب تک ایک ہزار سے زائد پیغامات موصول ہو چکے ہیں۔
نوجوان نے بل بورڈ پر ویب سائٹ کا ایڈریس بھی دیا تھا جس پر’’فائنڈ ملک آ وائف‘‘ یعنی ملک کے لیے دلہن ڈھونڈیں۔ درج تھا۔ محمد ملک کا اس حوالے سے کہنا ہے کہ وہ ارینج میرج کے خلاف نہیں مگر انہوں نے اپنے طور پر کسی اچھی لڑکی کی تلاش جاری رکھی ہوئی ہے۔
نوجوان کو جس طرح شادی کے لیے پیغامات موصول ہو رہے، اس سے ان کے لیے امید کی کرن جاگ اٹھی ہے کہ اب ان کا کام بن جائے گا اور انہیں ان کی پسند کی دلہنیا جلد مل جائے گی۔