مگرمچھ اور شیرنی کی لڑائی آج سے پہلے اگر آپ نے نہیں دیکھی ہے تو اب سوشل میڈیا پر وائرل ہونے والی اس ویڈیو میں بآسانی دیکھ سکتے ہیں۔ حیرانی کی بات تو یہ ہے کہ شیرنی بھی پانی میں ہرن کا شکار کرنے میں مصروف ہے اور مگرمچھ بھی۔ ایک طرف سے شیرنی نے ہرن کو اپنے دانتوں سے دبوچ لیا ہے اور دوسری طرف سے مگرمچھ اس ہرن کو کھینچنے کی کوشش کر رہا ہے۔
ویڈیو میں دیکھ کر اندازہ ہو رہا ہے کہ دونوں جانور کتنے زور سے ہرن کو کھینچ رہے ہیں۔ اگر آپ ویڈیو کو آخر تک دیکھیں تو اندازہ ہوگا کہ آخر میں مگرمچھ اور شیرنی مل بانٹ کر اتفاقِ رائے سے ہرن کو کھانے میں مشغول ہیں۔ انسٹاگرام پر شیئر کی گئی اس ایک منٹ 11 سیکنڈ کی ویڈیو کو اب تک ہزاروں صارفین دیکھ چکے ہیں۔