پاکستان سپر لیگ وہ واحد لیگ ہے جس میں میچ کے دوران مختلف شخصیات کے چہروں کے تاثرات کو دکھایا جاتا ہے جس طرح حالیہ ہونے والے پی ایس ایل کے میچز میں ایرن ہالینڈ نے اپنے شوہر بین کٹنگ کے آؤٹ ہونے دیئے تھے۔
اس کے بعد سے ایرن ہالینڈ جو کہ سابق مس ورلڈ رہ چکی ہیں سوشل میڈیا پر بھی کافی چھائی ہوئی ہیں۔تماشائیوں میں موجود کسی شخص کا پُرکشش ناچ ہو یا پھر کسی کمنٹیٹر کی کوئی بات، ہر خبر پر نظر رکھنے والے مداح اس کے بارے میں سوشل میڈیا پر بات ضرور کرتے ہیں۔ پہلے کچھ سیزنز میں وویئن رچرڈز اور ڈیرن سیمی خاصے مقبول رہے، اس کے علاوہ لاہور قلندرز کے مالک فواد رانا مداحوں کی نظروں میں تو بہت زیادہ ہی رہے۔
اب اس سال پی ایس ایل سیزن سیون میں ایرن ہالینڈ کافی مقبول ہو رہی ہیں ، آیئے ان کے حوالے سے جانتے ہیں۔
آسٹریلیا سے تعلق رکھنے والی 32 سالہ ایرن ہالینڈ گذشتہ سیزنز کی طرح اس مرتبہ بھی پاکستان میں ہیں اور ان کی مقبولیت کی ایک وجہ یہ بھی کہ ان کے شوہر بین کٹنگ ایک کرکٹر ہیں اور وہ مختلف پی ایس ایل ٹیمز کا حصہ بھی رہے ہیں۔
اس ٹورنامنٹ کے آغاز میں ہی ایرن ہالینڈ کی شوہر بین کٹنگ کے ہمراہ ایک ویڈیو بھی وائرل ہوئی تھی جس میں وہ انھیں دور کھڑے ہو کر سالگرہ کی مبارکباد دے رہی تھیں۔
اس پوسٹ پر سوشل میڈیا صارفین کی جانب سے خاصی دلچسپ گفتگو دیکھنے کو ملی، کسی نے انھیں مردان آنے کی دعوت دی تو کسی نے انھیں ’کراچی کی مالک‘ ہی قرار دے دیا۔
صارف احسن احمد نے لکھا کہ ’آپ کے بہترین الفاظ کے لیے بہت شکریہ، لیکن اگر آپ کو یہ (ماربل) واقعی پسند ہے تو لے جائیں کیونکہ پورا کراچی آپ کا ہی ہے۔‘
برہان آفریدی نامی صارف نے لکھا کہ ’یہ ماربل نہیں بلکہ مردان میں بننے والی مخصوص شیٹس ہیں، کیا آپ مردان آنا چاہیں گی جہاں یہ شیٹس بنتی ہیں۔‘
اس پوسٹ پر سوشل میڈیا صارفین کی جانب سے خاصی دلچسپ گفتگو دیکھنے کو ملی، کسی نے انھیں مردان آنے کی دعوت دی تو کسی نے انھیں ’کراچی کی مالک‘ ہی قرار دے دیا۔
*پی ایس ایل کو خاص بنانے کا شکریہ
کچھ روز قبل، جب بین کٹنگ ایک گیند پر آؤٹ ہوتے ہوتے بچ گئے تو کیمرے کا رخ اچانک ایرن ہالینڈ کی جانب کیا گیا تو وہ گھبرا کر پچ کی جانب دیکھ رہی تھیں جس پر اس وقت موجود کمنٹیٹرز نے قہقہے لگائے اور انھیں دلاسے دیے۔
*ایرن ہالینڈ: اداکارہ، گلوکارہ، ماڈل اور میزبان
بی بی سی نیوز کے مطابق ایرن ہالینڈ کی پیدائش آسٹریلوی شہر کیرنز میں ہوئی، انھوں نے چار سال کی عمر سے فنونِ لطیفہ میں مہارت حاصل کرنا شروع کی اور اس شوق کو انھوں نے سکول کے دوران بھی نہیں چھوڑا اور بالآخر ہائی سکول سے فارغ التحصیل ہونے کے بعد وہ انٹرٹینمنٹ کی صنعت کا حصہ بننے کے لیے سڈنی منتقل ہو گئیں۔
ایرن ہالینڈ کی آفیشل ویب سائٹ کے مطابق انھوں نے گذشتہ کئی برسوں میں انٹرٹینمنٹ کی صنعت میں مختلف انداز اپنائے ہیں اور بطور گلوکارہ، ٹی وی میزبان، ماڈل اور رقاصہ کے طور پر خدمات سرانجام دی ہیں۔
انھوں نے سنہ 2007 سے سنہ 2011 کے درمیان کلاسیکل وائس پرفارمنس میں بیچلرز کی تعلیم حاصل کی۔
ایرن کو سنہ 2013 میں مس ورلڈ آسٹریلیا کا تاج پہنایا گیا تھا جس کے بعد انھوں نے آسٹریلیا کے محکمہ تعلیم کی سفیر کی حیثیت سے ادارے مس ورلڈ کے ساتھ چین، امریکہ، انگلینڈ، انڈیا اور نیپال کے دورے کیے تھے۔
ایرن ہالینڈ بطور فلاحی کارکن بھی مختلف فلاحی اداروں کے ساتھ منسلک رہی ہیں۔
مس آسٹریلیا کا ایوارڈ جیتنے کے بعد انھوں نے انٹرنیشنل مس ورلڈ مقابلے میں شرکت کی جس میں 126 ممالک کی نمائندگی کرنے والی خواتین شامل تھیں۔ انھوں نے اس مقابلے میں وہ کانٹینٹل گروپ میں چھٹے نمبر پر آئی تھیں اور انھوں نے مس ورلڈ اوشیانیا کا خطاب حاصل کیا تھا۔
انھوں نے آسٹریلوی ٹی وی سیریز سیکرٹ ڈاٹر میں بطور اداکارہ بھی کام کیا تھا۔