قرآن حکیم کو اپنے دل میں سمائے حافظ قرآن کی زندگی بہت سادہ ہوتی ہے۔ صبح فجر سے پہلے اٹھنا، وضو بنانا، باجماعت نماز ادا کرنا اور پھر تلاوتِ قرآن کرنا اور پھر پورے دن خدا کی عبادت میں گزار دینا حافظ قرآن کی زندگی کا معمول ہوتا ہے۔
سوشل میڈیا پر ایک حافظ قرآن کی ویڈیو کافی وائرل ہو رہی ہے جس میں اسے ہاتھوں میں قرآن لیئے سوتے دیکھا جاسکتا ہے۔
حافظ قرآن کی زندگی پر کم ہی لکھا اور دیکھا جاتا ہے۔ کبھی شاید یہ نہیں بتایا جاتا کہ ایک حافظ قرآن اور مدرسے کے طالب علموں کی زندگی کیسی ہوتی ہے اور وہ دن بھر کن مراحل سے گزرتا ہے۔
دینی تعلیم کا تاج اپنے سر سجانے والے مدرسے کے طالب علم کی اس ویڈیو میں دیکھا جا سکتا ہے کہ اس کے ہاتھ میں قرآن پاک موجود ہے جس کی تلاوت کرتے کرتے آنکھ لگ گئی ہے۔
مدارس دینیہ میں پڑھنے والے اکثر لوگ ایسی کیفیات سے دو چار ہوتے رہتے ہیں۔