بلوچستان کے ساحلی علاقے ڈامر میں ماہی گیروں کی جھونپڑی میں رات کے وقت اچانک آگ بھڑک اٹھی۔ جس سے 15 جھونپڑیاں جل گئیں۔ خوش قسمتی سے کوئی جانی نقصان تو نہیں ہوا البتہ 3 افراد جھلس گئے۔ ایک شخص کی حالت نازک ہے۔
پاکستان کوسٹ گارڈز اور مقامی افراد نے آگ پر قابو پا لیا لیکن پولیس اور فائر بریگیڈ کا عملہ فوری طور پر نہ پہنچ سکا۔
یہ اپنی نوعیت کا پہلا واقعہ نہیں ہے۔ اس سے قبل بھی مکران کے ساحلی علاقے پر ماہی گیروں کے ٹھکانوں میں آگ بھڑک اٹھی تھی جس کی وجہ سے ان کو شدید نقصان اٹھانا پڑا تھا۔