مائیکرو سافٹ کمپنی کے بانی اور دنیا کی مالدار شخصیات میں سے ایک بِل گیٹس آج پہلی بار پاکستان کے ایک روزہ دورے پر پہنچے جن کا بھرپور انداز سے استقبال کیا گیا۔
بل گیٹس کی وزیراعظم عمران خان سے اور صدر پاکستان صدر عارف علوی سے ملاقات ہوئیں۔
بل گیٹس نے وزیراعظم ہاؤس میں عمران خان سے ملاقات کی جس میں انسدادِ پولیو مہم اور کویڈ ١٩ کی روک تھام سے متعلق گفتگو ہوئی۔
اس حوالے سے وزیراعظم ہاؤس کی جانب سے عمران خان اور بل گیٹس کی ملاقات کی تصویر جاری کی گئی جس میں دیکھا جاسکتا ہے کہ وزیراعظم اپنی نشست پر براجمان ہیں جبکہ میز کی دوسری طرف بل گیٹس بیٹھے ہوئے ہیں۔
پاکستان مسلم لیگ (ن) کی نائب صدر مریم نواز نے اس بیٹھک پر اعتراض کیا ہے۔
ٹوئٹر پر جاری پیغام میں مریم نواز نے کہا کہ ’کسی غیرملکی مہمان (dignitary) کو اس طرح سے بٹھانا بد تہذیبی اور تکبر ہے۔ مریم نواز کی جانب سے شئیر کردی ٹوئٹ وائرل ہو رہی ہے۔