لڑنا جھگڑنا ایک بہت بُری عادت ہے جس کا صرف دوسرے لوگ فائدہ اٹھاتے ہیں۔ اس کی مثال کچھ اس طرح دی جا سکتی ہے کہ اگر دو ممالک کے تعلقات آپس میں خراب ہوں تو اِس کا فائدہ دشمن ملک اٹھاتا ہے۔
پھر ایسے ہی اگر دو محلے داروں کی آپس میں لڑائی جاری ہو تو رُکوانے والے کم اور تماشہ دیکھنے والوں کی تعداد زیادہ ہوتی ہے۔
آج ہم آپ کو جو ویڈیو دکھانے جا رہے ہیں اس میں آپ واضح طور پر سمجھ جائیں گے
کہ 2 کی لڑائی میں غیر اپنا مقصد کیسے حاصل کرلیتا ہے۔
سوشل میڈیا پر ایک ویڈیو اِس کیپشن کے ساتھ ہر طرف شئیر کی جا رہی ہے جس میں ایک پیغام موجود ہے۔
ویڈیو میں دیکھا جا سکتا ہےکہ دو پرندے ایک سڑک کے درمیان آپس میں ایک دوسرے سے اُلجھ پڑے اور تھوڑی دیر بعد ایک سیاہ بلی آتی ہے اور دونوں پرندوں پر حملہ کر کے انہیں اپنے منہ سے اٹھا کر لے جاتی ہے۔
یہ ویڈیو بہت سے لوگوں کے لیے سبق آموز بھی ہے۔