کچن میں کھانا بنانے کے لئے گیس کی لائن اور چولہے کے علاوہ سنک بھی لازمی ہوتا ہے تاکہ برتن بآسانی دھو سکیں۔ ہمارے ہاں کچن میں جو سنک موجود ہیں وہ سنگل سنک ہیں۔ جن میں ایک وقت میں تھوڑے ہی برتن رکھے اور دھوئے جاسکتے ہیں۔ لیکن آپ کو یہ جان کر حیرت ہوگی کہ جرمنی اور دیگر کئی ممالک میں سنگل سنک کی بجائے ڈبل سنک ہوتا ہے۔
آئرلینڈ، جرمنی، اٹلی، ترکی اور چائنہ میں ڈبل سنک لگائے جاتے ہیں۔ جس کی وجہ یہ ہے کہ ایک سنک میں سارے وہ برتن رکھے جاتے ہیں جو گندے ہوتے ہیں اور دوسرے سنک میں ان برتنوں کو دھو دھو کر رکھا جاتا ہے تاکہ سارا پانی بھی خشک ہو جائے اور کم وقت میں برتن دھل کر خشک بھی ہو جائیں۔
یہ سنک دراصل سب سے پہلے بوسنیا میں بنائے گئے تھے کیونکہ وہاں پہلے زمانے میں چھوٹے کچن ہوتے تھے اور وہ کچن گیلے برتن رکھنے کے لئے موزوں نہ تھے لہٰذا انہوں نے دو سنک مجبوراً بنائے تھے۔ لیکن بعد میں یہ طریقہ ہسپانیہ کے لوگوں میں خوب پسند کیا جانے لگا اور اب ڈبل سنک اکثر و بیشتر جگہوں پر لگائے جاتے ہیں۔