پاکستان ایک ایسا ملک ہے جس کی سیاست میں اب بچے بھی دلچسپی لینے لگے ہیں۔ ابھی ایک ویڈیو سوشل میڈیا پر گردش کر رہی ہے جس میں واضح طور پر دیکھا جا سکتا ہے کہ ایک معصوم بچہ بلاول بھٹو صاحب سے مل رہا ہے۔
اس موقعے پر بچے کے جذبات بہت اچھے تھے، اپنے من پسند سیاستدان سے ملتے ہی بچے نے ان کو پھولوں کا ایک گلدستہ پیش کیا۔ جس پر پیلز پارٹی کے چیئرمین بلاول بہت خوش ہوئے بچے کو اپنے ساتھ کھڑا کر لیا، ان کے سر پر شفقت سے ہاتھ پھیرا۔
اس کے بعد انہوں نے پوچھا کہ آپ کے پیارے سے بیٹے کی عمر کیا ہے جس پر جواب دیا گیا کہ ابھی یہ 7 سال کا ہے لیکن آپ سے بہت محبت کرتا ہے۔
واضح رہے کہ دیکھتے ہی دیکھتے بلاول بھٹو کی بچے کے ساتھ یہ ویڈیو خوب وائرل ہو گئی ہے اور اب تک سوشل میڈیا پر اسے 28 ہزار سے زائد لوگ دیکھ چکے ہیں یہی نہیں بلکہ 5 پزار سے زائد لوگ اسے لائک بھی کر چکے ہیں ۔