جب ایک فوجی اپنے وطن کے لئے لڑتا ہے تو اس وقت اس کے لئے صرف اس کا وطن ہی عزیز ہوتا ہے جس کی حرمت کی خاطر اسے اپنی جان کا نذرانہ پیش کرنا بہت معمولی بات محسوس ہوتی ہے۔ لیکن اس فوجی کی جان اس کے عزیزوں کے لئے کتنی انمول ہوتی ہے یہ شاید عام شہری نہیں جان سکتے۔ حال ہی میں سوشل میڈیا پر کیپٹن بلال شہید کی ایک ایسی ویڈیو وائرل ہورہی ہے جس میں وہ شہادت سے پہلے اپنے خاندان سے آخری ملاقات کے لئے گھر گئے تو ان کا ننھا بیٹا ان سے لپٹ گیا اور پھر باپ کے گلے لگ کر کھیلتا رہا۔ ویڈیو دیکھیے
ویڈیو میں دیکھا جاسکتا ہے کہ کس طرح ننھا بچہ اپنے والد کے گلے لگا ہوا ہے یہاں تک کہ کیپٹن بلال کئی بار اسے نیچے اتارنے کی کوشش کرتے ہیں مگر شاید قدرت نے اس بچے کو آنے والے دنوں سے باخبر کردیا تھا کہ یہ اس کے والد کے ساتھ اس کی آخری ملاقات ہے جو وہ والد سے دور ہونے پر تیار ہی نہیں ہوا۔ یہاں تک کہ شہید کیپٹن بلال نے بھی بیٹے کو گلے سے لگا لیا۔ نے شک جو فوجی وطن پر اپنی جان قربان کرتا ہے ملک کا ہر شہری اس کے خاندان کا مقروض ہے۔