حکومت پاکستان کی جانب سے معاشی مسائل سے نمٹنے کیلئے امپورٹڈ اشیاء پر پابندی عائد کردی گئی ہے جس کے بعد سوشل میڈیا صارفین نے بھی مورچے سنبھال کر مخالفین پر حملے شروع کردیئے ہیں۔
امپورٹڈ اشیاء پر پابندی کے حوالے سے پی ٹی آئی کے حامیوں کا کہنا ہے کہ عمران خان پر معاشی بدحالی کے الزامات لگانے والوں کومریم نوازکا طرز زندگی پہلے غور سے دیکھنا چاہیے۔
پی ٹی آئی سپورٹرز کا کہنا ہے کہ مریم نواز امپورٹڈ جوتے، بیگ، کپڑے اور گھڑی استعمال کرتی ہیں لیکن ہمارا قائد سادہ شلوار قمیض اور پشاور چپل پہنتا ہے اور پابندی سے مریم نواز کو مشکل ہوگی عمران خان کو نہیں۔
یاد رہے کہ اس سے پہلے بھی مریم نواز کے جوتوں ، ہینڈ بیگز اور ملبوسات کے حوالے سے سوشل میڈیا پر بحث چلتی رہی ہے اور اب حکومت کی جانب سے پرتعیش اشیاء پر پابندی کے بعد صارفین نے ایک بار پھر مریم نواز پر تنقید کا سلسلہ شروع کردیا ہے۔