اکثر ہوٹلوں کے باتھ روم میں کموڈ کے پاس ہی ایک ٹیلیفون سیٹ موجود ہوتا ہے جس کی وجہ بظاہر تو سمجھ نہیں آتی لیکن ہم آپ کو بتا دیتے ہیں کہ ایسا کیوں کیا جاتا ہے۔

کموڈ کے پاس ٹیلی-فون کی وجہ

دراصل باتھ روم میں فون سیٹ رکھنے کے پیچھے دو وجوہات ہیں جن میں سے ایک تو یہ ہے کہ کچھ افراد کو باتھ روم میں فون کرنے اور لمبی گفتگو کی عادت ہوتی ہے اور دوسرے یہ کہ اگر کوئی شخص خدانخواستہ باتھ روم میں گر جائے تو وہ باتھ روم سے ہی فون کر کے ہوٹل کے عملے کو بلوا سکے۔

اس کے علاوہ اگر آپ گھومنے پھرنے کے شوقین ہیں اور کبھی ملک سے باہر گئے ہیں تو اس بات سے بخوبی واقف ہوں گے کہ ہر قوم کے کچھ الگ رسم و رواج اور طور طریقے ہوتے ہیں۔ یہاں تک کہ کئی جگہوں پر تو باتھ روم بھی بالکل انوکھے ہوتے ہیں۔ آج ہم آپ کو اٹلی کے بارے میں بتاتے ہیں جہاں ایک باتھ روم میں دو ٹوائلٹس ہوتے ہیں۔

ایک ساتھ دو کموڈ

اب آپ سوچ رہے ہو گے کہ اٹلی جیسے جدید ملک میں الگ الگ کموڈ کی کیا ضرورت پڑ گئی تو ہم بتا دیتے ہیں کہ چونکہ عام طور پر مسلم شاور کا تصور صرف مسلم ممالک میں پایا جاتا ہے اور یورپی ممالک میں صفائی کے لئے ٹشو پیپر کا استعمال ہوتا ہے لیکن اٹلی اس لحاظ سے منفرد ہے اور یہاں رفع حاجت کے لئے کموڈ کے ساتھ ایک اور کموڈ نما شے بنائی جاتی ہے جسے بائیڈٹ کہتے ہیں۔

بائیڈٹ کا استعمال

بائیڈٹ ایک طرح سے بیسن کی طرح ہوتا ہے اور اس میں پیچھے کی جانب نل ہوتا ہے جس سے پانی کا اخراج ہوتا ہے۔ بائیڈٹ رفع حاجت کے بعد صفائی کے لئے استعمال یوتا ہے۔ اٹلی میں ایک ساتھ دو ٹوائلٹس ہونا معمول کی بات ہے جسے لوگ پہلی بار دیکھ کر حیران ہوجاتے ہیں۔