اکثر جلسے جلوس میں اپنے لیڈر کو دیکھ کر عوام اور سیاسی کارکن کافی جذباتی ہوجاتے ہیں اور روکنے کے باوجود نعرے بازی کرتے رہتے ہیں جس کی وجہ سے ان کے لیڈر بھی تنگ آ جاتے ہیں۔ ایسا ہی کچھ ہوا مسل لیگ ق کے سربراہ شیخ رشید کے ساتھ جنھوں نے اپنے ایک چاہنے والے کو سرعام ہی تھپڑ مار دیا۔ ویڈیو دیکھیے

شیخ رشید نے تھپڑ کیوں مارا؟

ویڈیو میں دیکھا جاسکتا ہے کہ اپنے گھر لال حویلی کے قریب شیخ رشید خطاب کے دوران ن لیگ کے خلاف بیان بازی میں مصروف ہیں کہ ایک کارکن اچانک نعرہ لگانے لگا جس پر شیخ رشید نے اسے چپ رہنے کو کہا لیکن کارکن چپ نہ ہوا تو اگلے ہی لمحے شیخ رشید نے اس کے سر پر زور دار تھپڑ جڑ دیا۔

لیڈر کو اپنے غصے پر قابو رکھنا چاہئیے

کچھ عرصہ پہلے عمران خان کی بھی ایسی کئی ویڈیوز وائرل ہوئی ہیں جس میں وہ اپنے کارکنان کو خاموش رہنے کا کہہ رہے ہیں لیکن کوئی ان کی بات نہیں سن رہا۔ جہاں لیڈران کو ایسے موقع پر اپنی بات سمجھانا مشکل ہوجاتا ہے وہیں ان پر یہ ذمہ داری بھی عائد ہوتی ہے کہ عوام اور اپنے چاہنے والوں کے جذبات کا خیال رکھیں۔ عوام چلچلاتی دھوپ میں ان کے جلسوں میں مار کھانے اور ڈانٹ سننے کے لئے نہیں شریک ہوتے۔