انسان جب دنیا سے جاتا ہے تو لوگ کچھ عرصہ تو اسے یاد کرتے ہیں لیکن اس کے بعد معمولاتِ زندگی میں مصروف ہوجاتے ہیں۔ ان معمولات میں جانے والے شخص کے چھوڑے ادھورے کام اور اس کی خالی جگہ پر کرنا بھی شامل ہے۔ ایسا ہی ہورہا ہے مرحوم سیاست دان عامر لیاقت کے انتقال کے بعد۔
عامر لیاقت حسین 2018 میں قومی اسمبلی کے رکن منتخب ہوئے تھے اور این اے 245 ان کی سیٹ تھی۔ البتہ ان کے انتقال کے بعد الیکشن کمیشن نے این اے 245 کے لیے ضمنی انتخابات کا شیڈول جاری کردیا ہے جس کے تحت کاغذات نامزدگی 24 جون تک جمع کرائے جاسکتے ہیں اور 27 جولائی کو پولنگ کی جائے گی۔
الیکشن کمیشن نے این اے 245 کے لیے سید ندیم حیدر کو ریٹرننگ افسر مقرر کیا ہے۔