گھر میں پالتو جانور رکھنا ایک ذمہ داری کا کام ہے اور ان کا خیال رکھنا سب سے بڑی ذمہ داری ہے۔ کیونکہ بعض اوقات پالتو بلیاں یا کتے ایسی جگہ چھپ کر بیٹھ جاتے ہیں کہ ڈھونڈنا مشکل ہو جاتا ہے۔ لیکن جب کوئی جانور گدیوں یا صوفوں کے اندر گھس جائے تو اس کو اپنے دانتوں اور ناخنوں سے خراب لازمی کرتا ہے۔ ایسی ہی کچھ تصاویر ہم آپ کو دکھانے جا رہے ہیں جن کو دیکھ کر آپ بھی پہلی مرتبہ میں نہیں پہچان سکتے ہیں کہ یہ تصاویر
اصلی ہیں یا نقلی۔
٭ بلی دیوار کے اندر بنی ہوئی الماری کے سائیڈ میں اتنے آرام سے چپک کر لیٹی ہوئی ہے کہ دیکھ کر لگ ہی نہیں رہا کہ بلی لیٹی ہے بلکہ ایسا لگ رہا ہے کہ جیسے کوئی سٹیکر چپکا دیا ہو۔ دراصل یہ بلی کراٹوں کی شوقین ہے اس لیے مزے سے اپنے جسم کو موڑ کر لیٹی ہوئی ہے۔
٭ جانوروں کو ادھر ادھر گھسنے کی عادت ہوتی ہے اور خصوصاً بلیاں تو گھر میں کسی بھی جگہ گھس کر بیٹھ جاتی ہیں۔ یہ بلی بھی ٹوائلٹ کے اندر چھپ کر بیٹھی ہوئی ہے۔ اس کو دیکھ کر تو معلوم ہو رہا ہے کہ یہ شاید ایک فرضی تصویر ہے مگر ٹوئٹر پر آئمین نامی صارف نے اس کی تصویر شیئر کرکے لکھا کہ میری بلی کو چھپنے کے لیے اس سے اچھی کوئی دوسری جگہ نہیں ملتی۔
٭ واشنگ مشین کے اندر چھپنے والی یہ بلی بھی آئمین کی ہے جنہوں نے اس کو 2017 میں نیویارک سے خریدا تھا لیکن ایک مرتبہ وہ بلی کو گھر کے اندر بند کرکے گئیں تو بلی کا کچھ معلوم نہ چلا۔ اگلے دن صبح جب واشنگ مشین کھولی تو بلی اس کے اندر سے برآمد ہوئی۔
٭ اس تصویر میں جیکسن کے دو پالتو کتے کمرے کے دروازے سے باہر جھانک رہے ہیں جنہیں دیکھ کر یوں معلوم ہوتا ہے کہ جیسے وہ بھوکے ہوں اور کھانا مانگ رہے ہوں۔