جہاز میں سفر کا شوق تو سب کو ہوتا ہے اسی وجہ سے لوگ اس کے بارے میں زیادہ سے زیادہ جاننا بھی چاہتے ہیں۔ آج ہم آپ کو جہاز کے کچھ ایسے راز بتائیں گے جن سے بہت کم لوگ واقف ہیں۔

لائٹ اچانک کیوں بند کردی جاتی ہیں؟

ایسا کرنے کا مقصد یہ ہوتا ہے کہ جہاز میں بیٹھے مسافر اندھیرے میں دیکھنے کے قابل ہوسکیں۔ جہاز کی لائٹس کسی گڑ بڑ کی صورت میں بند کی جاتی ہیں تاکہ کسی بھی ناگہانی صورت میں مسافر اندھیرے میں دیکھ سکیں اور دروازے کی جانب ہلکی روشنی کو دیکھ سکیں تاکہ نکلنے میں آسانی ہو۔

آخری مسافر

جہاز پر فلائٹ کا وقت ہوتے ہی رش لگ جاتا ہے لیکن ہمارا مشورہ یہ ہے کہ آپ سب سے آخر میں جہاز پر سوار ہوں۔ اس سے آپ بلاوجہ کی دھکم پیل سے بچ جائیں گے اور آرام سے اپنی سیٹ پر جا کر بیٹھ سکیں گے۔

کھڑکیاں گول کیوں ہوتی ہیں؟

چند دہائیوں پہلے جہاز کی کھڑکیاں بھی چوکور ہوتی تھیں لیکن چند ایسے حادثات ہوئے جن سے پتہ چلا کہ چوکور کھڑکیاں کناروں سے کمزور ہوتی ہیں اور جلدی ٹوٹ کر جہاز کو نقصان پہنچا سکتی ہیں اس لئے اب جہازوں میں گول کھڑکیاں لگائی جاتی ہیں جو زیادہ مضبوط ہوتی ہیں۔