سوشل میڈیا پر دلچسپ خبریں تو بہت ہیں لیکن کچھ معلومات ایسی ہوتی ہیں جو کہ سب کو اپنی طرف متوجہ کر لیتی ہیں۔
ہماری ویب ڈاٹ کام کی اس خبر میں آپ کو چند ایسے یہ دلچسپ چیزوں کے بارے میں بتائیں گے۔
ٹرک کے پچھلے ڈبل ٹائرز:
22 ویلرز یا وہ بڑے ٹرکوں کے پیچھے ڈبل ٹائرز ہوتے ہیں، لیکن ہمیشہ آگے ہی دو ٹائر ہوتے ہیں۔ کیا کبھی آپ نے جاننے کی کوشش کی ہے کہ پیچھے ڈبل ٹائر کیوں ہوتے ہیں؟
ڈبل ٹائرز کی مدد سے ٹرک پچھلی طرف موجود وزن کو بیلنس کر دیتا ہے، جبکہ پریشر بھی برداشت کر پاتا ہے۔ یہی وجہ ہے کہ بھاری بھرکم کنٹینرز اٹھانے والے ٹرکوں کے پچھے ٹائر ڈبل یعنی 2،2 ہوتے ہیں۔
رنگین پٹیاں:
ٹرکوں کی اگلی طرف یعنی سامنے عام طور پر لال رنگ کے نشان اور سجاوٹ ہوتی ہے جو چمک پٹی کی معلوم ہوتی ہے۔ یہ دراصل اس لیے ہوتی ہیں تاکہ رات کے اندھیرے میں جب ٹرک کسی سڑک پر ہو اور لائٹ نہ ہو تو سامنے سے آنے والی گاڑی کی روشنی جب ٹرک کی ان چیزوں پر پڑتی ہے تو سامنے والے کو احساس ہو ہی جاتا ہے کہ سامنے ٹرک ہے۔
یہی وجہ ہے کہ سجاوٹ کے ساتھ ساتھ یہ ٹرکوں کا حصہ بنتا جا رہا ہے۔
کلیپر بورڈ:
کلیپر بورڈ عام طور پر فلموں میں استعمال کیا جاتا ہے، جب کبھی کوئی فلم کا سین شوٹ ہوتا ہے تو سب سے پہلے اداکاروں کے سامنے اسی چیز کو چلا کر شروعات کی جاتی ہے۔
کلیپر بورڈ کو اس لیے استعمال کیا جاتا ہے تاکہ فلم میں اداکاروں کے ڈائیلاگز، گانوں، کو ہم آواز اور ہم آہنگ کیا جا سکے۔ کیونکہ فلم کی شوٹنگ ریکارڈ کی جا رہی ہوتی ہے، تو کیمرے منظر کو قید کرتے ہیں اور ڈائیلاگز اور آواز کو ریکارڈ کرنے کے لیے کلیپر بورڈ کار آمد ہوتا ہے۔