بیٹی کی پیدائش پر جہاں آج بھی لاکھوں لوگ سوگ مناتے ہیں، ان کو برا سمجھتے ہیں وہیں دنیا میں خدا کے نیک بندے بھی موجود ہیں جو گڑ گڑا کر خدا سے بیٹیوں کی رحمت مانگتے ہیں پھر چاہے وہ کوئی ہندو ہو یا مسلمان، کوئی سکھ ہو یا عیسائی ۔۔ بیٹیاں گھروں کی رونق سمجھی جاتی ہیں۔ عقل والے لوگ بیٹیوں کی پیدائش کو باعثِ فخر سمجھتے ہیں یہی وجہ ہے کہ ایک باپ نے شاید کے 12 سال بعد بیٹی پیدا ہونے پر ایک ایسا اقدام اٹھایا جو ساری دنیا کے مردوں کے لئے نئی مثال بن گیا ہے۔
بھارتی شخص انکت جوشی نے شادی کے 12 سال بعد بیٹی کی پیدائش پر اپنی نوکری چھوڑ دی تاکہ بچی کے ساتھ قیمتی وقت گزار سکے اور اپنی بیوی کا بے حد خیال رکھ سکے۔
انہوں نے حال ہی میں ایک ملٹی نیشنل کمپنی میں بطور سنیئر وائس پریزیڈنٹ نوکری شروع کی تھی، لیکن بیٹی کی پیدائش سے کچھ ماہ قبل ہی اس نے اپنی یہ لگژری نوکری چھوڑی دی۔
اس فیصلے پر لوگوں نے ان کو بیوقوف کہا مگر بیوی نے ان کے فیصلے کی حمایت کی اور اب یہ اپنی بچی کے ساتھ خوب انجوائے کر رہے ہیں۔
انکت کا کہنا ہے کہ:
"
باپ بننے کی خوشی میرے کیلے بالکل الگ تجربہ ہے اور ایک خوش نصیبی کی بات ہے۔ میں شاید خدا کا پسندیدہ بندہ ہوں جو اس نے مجھے بیٹی کی نعمت سے نوازا۔ میرے پاس کسی چیز کی کمی نہیں ہے۔ ایک اولاد کی کمی تھی وہ بھی خدا نے اس خوبصورت تحفے کی صورت میں مکمل کردی۔
"
لوگ میری بیوی کو بانجھ کہتے تھے کہ شاید کو اتنا وقت ہوگیا اولاد نہیں ۔۔ یہ طعنے مجھے برے لگتے تھے اور میری ہمیشہ سے خواہش تھی کہ جب میری اولاد دنیا میں آئے گی تو میں کچھ ایسا اقدام اٹھاؤں گا جو یقیناً معاشرے کے دوسرے مردوں کے لیے مثال بنے گا۔