سابق کپتان شاہد خان آفریدی کی بڑی بیٹی اقصیٰ کے نکاح کی تقریب آج شام کراچی میں ہوئی جس میں شاہین شاہ آفریدی سمیت، دوستوں، رشتے داروں اور قریبی مہمانوں نے شرکت کی۔
گزشتہ روز سوشل میڈیا پر gatherings events planners کی جانب سے اقصیٰ آفریدی کے نکاح کا ڈیجیٹل کارڈ اور مہندی کے ایونٹ کی تیاریوں کی ویڈیو شیئر کی گئی تھی۔
اقصیٰ آفریدی کی شادی نصیر ناصر نامی شخص سے کراچی میں ہو رہی ہے۔
اب ان کے نکاح کی ویڈیو بھی اسی ایونٹ پلینر کی جانب سے شیئر کی گئی ہے جو سوشل میڈیا پر بہت وائرل ہو رہی ہے۔
حق مہر کتنا؟
ویڈیو کے مطابق اقصیٰ آفریدی کا حق مہر 131 تولہ چاندی ہے جو موجودہ وقت کے مطابق 2 لاکھ، 60 ہزار 952 روپے کے قریب رقم بنتی ہے۔
کھانے میں کون سی ڈشز رکھی گئیں؟
کھانے میں مختلف قسم کی 15 سے زائد ڈشز رکھی گئیں ہیں جن میں فریش جوس، مٹن چاپس، پشاوری کڑاہی، پشاوری چپلی کباب، کچوری ترکاری، پالک پنیر، مٹن بریانی، جلیبی، مال پورہ ملائی، نان، سلاد، دودھ پتی، کشمیری چائے، انجیر کا حلوہ اور آئس کریم وغیرہ شامل ہیں۔