آج کل شادی بیاہ کی تقریبات میں عجیب رسومات کا رجحان بڑھ چکا ہے، انہیں رسومات میں جوتا چھپائی کی رسم بھی آتی ہے جس میں دولہے کی سالیاں دولہے کا جوتا نکال کر ان سے پیسے مانگتی ہیں۔
اس وقت ایک شادی کی تقریب سے جوتا چھپائی کی رسم کی تنقید آمیز ویڈیو سوشل میڈیا پر وائرل ہورہی ہے جسے دیکھ کر سوشل میڈیا صارفین غصے کا اظہار کر رہے ہیں۔
اس ویڈیو پر تنقید کی وجہ دولہے کے ساتھ ہونے والی بد تمیزی ہے جو ان کی سالیوں اور بھابیوں کی جانب سے کی گئی۔ ویڈیو میں دیکھا جاسکتا ہے کہ دولہے کی سالیاں اس کا جوتا کھینچ کر اتارتی ہیں کہ وہ صوفے سے سیدھا زمین پر گرتا ہے۔ دولہا اس عجیب حرکت پر غصے کا اظہار بھی کرسکتا تھا مگر وہ گر کر بھی مسکرا رہا تھا۔
ویڈیو سوشل میڈیاپر وائرل ہوتے ہی عوام کا پارہ بڑھ گیا۔ سوشل میڈیا صارفین کا کہنا تھا کہ یہ دولہا کی بے عزتی ہے۔ ان کا کہنا تھا کہ دولہے کے گھر والے یہ بے عزتی برداشت کر رہے ہیں لیکن اگر وہ ردعمل دیتے تو لڑکی والوں کے لیے مشکل ہوسکتی تھی۔
لیکن آخر کار پھر نیچے گر کر شرمندہ ہونے والے دولہے کی جانب سے ڈالرز میں اپنی سالیوں اور بھابیوں کو رقم دی گئی جس پر بہت زیادہ تنقید کی گئی۔
سوشل میڈیا صارفین کا کہنا تھا کہ دلہن کے اہل خانہ کی جانب سے ایک برا اقدام قرار دیا جا رہا ہے۔ سوشل میڈیا صارفین نے اس ویڈیو پر کیا کہا دیکھئے تبصرے۔