وزیراعلیٰ بلوچستان میر سرفراز بگٹی نے مستونگ میں فائرنگ کے واقعے میں زخمی ہونے والے ایڈیشنل سیشن جج طارق لاشاری کو ٹیلیفون کیا اور ان کی خیریت دریافت کی۔
وزیراعلیٰ نے ایڈیشنل سیشن جج طارق لاشاری کی جلد اور مکمل صحت یابی کے لیے نیک تمناؤں کا اظہار کرتے ہوئے کہا کہ حکومت بلوچستان علاج اور دیکھ بھال کے لیے ہر ممکن سہولت فراہم کرے گی۔
میر سرفراز بگٹی نے یقین دہانی کرائی کہ مکمل صحت یابی تک زخمی جج کا بھرپور خیال رکھا جائے گا اور ان کی بہترین طبی نگہداشت کو یقینی بنایا جائے گا۔
وزیراعلیٰ نے اس موقع پر کہا کہ حکومت زخمی ایڈیشنل سیشن جج کی جلد صحت یابی کے لیے دعاگو ہے اور انہیں ہر ممکن تعاون فراہم کیا جائے گا۔