پاکستان کرکٹ بورڈ (پی سی بی) اور پنجاب حکومت میں پی ایس ایل سیکیورٹی اخراجات کے معاملے پر ڈیڈلاک برقرار ہے۔
ذرائع کے مطابق پی سی بی نے نگران پنجاب حکومت کو واضح طور پر پیغام دیا ہے کہ سیکیورٹی مد میں ہم ایک روپیہ بھی دینے کو تیار نہیں۔
پی سی بی نے موقف اپنایا ہے کہ سیکیورٹی اخراجات کی ذمہ داری حکومت کی ہے۔
خیال رہے کہ پنجاب کابینہ نےسیکیورٹی اخراجات کی مد میں مشروط طور پر 25 کروڑ روپے لینے پر اتفاق کیا تھا۔