اسلام آباد: وفاقی وزیر مذہبی امور مفتی عبدالشکور کی کار کو ٹکر مارنے والی گاڑی میں سوار افراد کی تفصیلات سامنے آ گئیں۔
وفاقی وزیر مذہبی امور مفتی عبدالشکور کی کار کو ٹکر مارنے والی گاڑی کے ڈرائیور سمیت 5 افراد گرفتار ہیں جن میں سے 3 افراد زخمی حالت میں اسپتال داخل ہیں۔
گرفتار ڈرائیور کا لائسنس اور گاڑی کا رجسٹریشن کارڈ سامنے آ گیا۔ ڈرائیور کی شناخت راؤ گل خان کے نام سے ہوئی جو سہالہ گاگڑی، اسلام آباد کا رہائشی ہے۔
گاڑی کا رجسٹریشن کارڈ بھی ہم نیوز کو موصول ہو گیا۔
ذرائع کے مطابق مفتی عبدالشکور کی کار کو ٹکر مارنے والی گاڑی پولٹری کی صنعت سے وابستہ مشہور و معروف شخصیت کی ہے۔