گوجرانوالہ میں ڈاکٹر کے کلینک لیٹ آنے پر مریض نے اس کا قتل کر دیا۔
یہ افسوسناک واقعہ گوجرانوالہ کے علاقہ فیروز والا نئی آبادی میں پیش آیا، پولیس کے مطابق ڈاکٹر نے محلے میں ہی کلینک بنایا ہواتھا۔
پولیس ذرائع کے مطابق ڈاکٹر کو علی رضا نامی شخص نے فون کرکے کلینک بلایا لیکن ڈاکٹر کلینک لیٹ پہنچا جس پر ملزم نے جھگڑا شروع کر دیا۔
اسی جھگڑے کے دوران ملزم نے فائرنگ کرکے ڈاکٹر کو موت کے گھاٹ اتار د یا، پولیس کاکہنا ہے ملزم نشے کاعادی ہے، علی رضا نامی ملزم موقع سے فرار ہوگیا، پولیس نے جلد گرفتار کرنے کا دعویٰ کیاہے۔