پاکستان میں اس وقت چاند نظر آنے اور نہ آنے سے متعلق بحث جاری ہے لیکن اب محکمہ موسمیات کا اس حوالے سے بیان سامنے آگیا ہے۔
ہماری ویب ڈاٹ کام میں آپ کو عید کے چاند سے متعلق بتائیں گے۔
محکمہ موسمیات کی جانب سے کہا گیا ہے کہ پاکستان سمیت مختلف ممالک میں چاند نظر نہیں آئے گا۔
شوال کا چاند دیکھنے کے لیے مرکزی رویت ہلال کمیٹی کا اجلاس آج اسلام آباد میں ہو گا جس کی صدارت چیئرمین رویت ہلال کمیٹی مولانا عبدالخبیر آزاد کریں گے۔
مرکزی رویت ہلال کمیٹی کا اجلاس وزارت مذہبی امور کی عمارت میں ہوگا جبکہ رویت ہلال کی زونل کمیٹیوں کے اجلاس صوبائی ہیڈ کوارٹرز میں ہوں گے۔
دوسری جانب سابق چیئرمین رویت ہلال کمیٹی مفتی منیب الرحمان نے شوال کے چاند کے حوالے سے کہا ہے کہ مرکزی رویت ہلال کمیٹی فیصلہ کرنے سے پہلے تمام امور کا درست طریقے سے جائزہ لے کیونکہ عیدالفطر کے حوالے سے کافی قوی اطلاعات سامنے آچکی ہیں کہ آج چاند نظر نہیں آئے گا۔