تحریک انصاف کے چیئرمین عمران خان نے کہا ہے کہ نواز شریف بزدلوں کی ٹیم کا کپتان ہے، ان کا کہناتھاکہ نواز شریف اکیلا نہیں،بزدلوں کی ٹیم میں اور بھی کھلاڑی ہیں۔
انہوں نے کہاکہ شریف خاندان کی تو صلاحیت ہی یہی ہے کہ وہ سارے بزدل ہیں،عمران خان کا کہنا تھا کہ علی امین گنڈاپور ہمارے ساتھ ڈٹ کر کھڑا ہے، پولیس علی امین گنڈاپور کوکبھی اِدھر،کبھی اُدھر گھوما رہی ہے۔
ان کاکہنا تھا کہ پی ڈی ایم الیکشن سے بھاگ رہی ہے، پی ڈی ایم کوبھاگنے کے بجائے پی ٹی آئی کا مقابلہ کرنا چاہیے، پی ڈی ایم وکٹیں اٹھا کر بھاگ رہی ہے اور ہم ان کو واپس لارہے ہیں۔