مسلح افواج، چیئرمین جوائنٹ چیفس آف اسٹاف اور آرمی چیف جنرل سید عاصم منیر کی جانب سے قوم کو عید کی مبارکباد دی گئی ہے۔
آئی ایس پی آر کی جانب سے جاری کیے گئے بیان میں کہا گیا ہے کہ پرامن ماحول میں یہ تہوار ہمارے تمام شہدا اور غازیوں کے مرہون منت ہے۔
قوم کو عید کی مبارکباد دیتے ہوئے عسکری قیادت کی جانب سے شہدا اور غازیوں کو سلام بھی پیش کیا گیا ہے۔
مسلح افواج کی قیادت کی جانب سے عید کے دن قوم کے لیے دعا کی گئی ہے کہ اللہ تعالیٰ پاکستان پر اپنی رحمتوں کا سایہ برقرار رکھے۔