ایڈمنسٹریٹر کراچی ڈاکٹر سید سیف الرحمان نے کہا کہ کراچی چڑیا گھر میں بیمار ہتھنی نور جہاں کو بچانے کے لئے ہر ممکن کوشش کی گئی۔
ہتھنی نور جہاں کا علاج عالمی سطح کے ماہرین کے زیر نگرانی کیا گیا، ان کے مطابق گزشتہ دنوں نورجہاں کے علاج کے لیے فور پاز کی ٹیم بھی کراچی آئی تھی۔
ایڈمنسٹریٹر کراچی کے مطابق ہتھنی نورجہاں کو بچانے کیلئے کے ایم سی انتظامیہ نے ہر ممکن کوشش کی۔ انہوں نے ہتھنی کی ہلاکت پر دکھ کا اظہار کیا۔
انہوں نے کراچی چڑیا گھر میں بیمارہتھنی نور جہاں کے ہلاک ہونے کی تصدیق کی اور بتایا کہ گزشتہ روز سے ہتھنی بخار میں مبتلا تھی۔