گزشتہ برس تک حج پر جانے والی خواتین کو محرم کے ساتھ جانے کی اجازت دی جاتی تھی البتہ اس سال سعودی حکومت نے خواتین کو بغیر محرم حج کرنے کی اجازت دے دی ہے لیکن پاکستانی خواتین اس سال بھی محرم کے ساتھ حج پر جانے کی پابند ہیں۔
پاکستان کے وزارت مذہبی امورکے ترجمان نے عرب میڈیا کو بتایا کہ اس سال حج انتظامات پرانی حج اسکیم کے تحت کیے گئے ہیں اس لیے پاکستانی خواتین اس سال بھی بغیر محرم کے حج نہیں کرسکیں گی
ان کے مطابق منظور ہونے والی حج پالیسی میں محرم کے ساتھ حج کی ہی صورت تھی۔ سنی خواتین ویسے بھی محرم کے ساتھ حج کرتی ہیں البتہ اہل تشیع خواتین محرم کی موجودگی کے بغیر بھی حج کے لئے جاسکتی ہیں۔