اسلام آباد نیو گیسٹ ہاؤس پولیس لائن کو عدالت کا درجہ دیا گیا ہے جس کا نوٹیفکیشن بھی جاری کر دیا گیا ہے جہاں عمران خان کو احتساب عدالت اور جوڈیشل مجسٹریٹ کے سامنے پیش کر دیا گیا ہے۔
اعلیٰ حکومتی ذرائع کے مطابق سماعت کا آغاز ہو گیا ہے اور وقفہ کیا گیا جس میں تحریک انصاف کے چیئرمین عمران خان کی ملاقات ان کے وکلاء سے کروا دی گئی ہے۔
نیب کی جانب سے چیئرمین پی ٹی آئی عمران خان کی 14روزہ جسمانی ریمانڈ کی استدعا کی گئی ہے، پولیس لائنز اسلا م آبا د میں جج محمد بشیر نے کیس کی سماعت میں وقفہ کر دیا ہے، اس دوران عمران خان کی اپنے وکلا کے ساتھ مشاورت ہوئی ہے۔
القادر ٹرسٹ کیس میں عمران خان کی نمائندگی خواجہ حارث بیرسٹر علی گوھر اور ایڈوکیٹ علی بخاری کر رہے ہیں، ڈپٹی پراسیکیوٹر جنرل نیب سردار مظفر عباسی سپیشل پراسیکیوٹر رافع مقصود اور نیب کے پراسیکیوٹر سردار ذوالقرنین عدالت میں موجود ہیں جبکہ نیب کی طرف سے انویسٹی گیشن آفیسر میاں عمر ندیم بھی عدالت میں موجود ہیں۔