وزیراعظم شہباز شریف نے کہا ہے کہ اگر پاکستان تحریکِ انصاف سنجیدگی کا مظاہرہ کرے تو حکومت بھی بات چیت کے لیے تیار ہے۔ ان کا کہنا تھا کہ موجودہ حالات میں ملکی ترقی اور خوشحالی کے لیے تمام سیاسی جماعتوں کے درمیان ہم آہنگی ناگزیر ہے۔
وزیراعظم نے واضح کیا کہ مذاکرات صرف جائز اور آئینی مطالبات کی بنیاد پر ہی آگے بڑھ سکتے ہیں، غیر قانونی مطالبات اور بلیک میلنگ کے ذریعے کسی قسم کی بات چیت ممکن نہیں۔
انہوں نے کہا کہ وہ اس حوالے سے قومی اسمبلی کے اندر اور باہر اپنا مؤقف پہلے ہی واضح کرچکے ہیں۔
شہباز شریف کا مزید کہنا تھا کہ اگر پی ٹی آئی سنجیدہ مذاکرات کے لیے تیار ہے تو حکومت بھی ذمہ دارانہ انداز میں ڈائیلاگ کے لیے آمادہ ہے۔