وفاقی دارالحکومت اسلام آباد میں زیرو پوائنٹ کے مقام پر مشتعل مظاہرین نے گاڑیوں پر پتھرائو شروع کردیا۔
ہم نیوز کے مطابق مشتعل مظاہرین گاڑیوں کو روک کر لاٹھیاں برسا رہے ہیں ۔ شہریوں کی جانب سے بھی مزاحمت کی جارہی ہے۔
ذرائع کی جانب شہریوں سے کہا گیا ہے کہ زیرو پوائنٹ کی جانب سفر سے گریز کریں ۔دوسری جانب آئی جی اسلام آباد پولیس اکبر ناصر نے شہریوں سے پُرامن رہنے کی اپیل کردی ہے۔
ان کا کہناتھا کہ ہماراکام عدالتوں کو سہولت فراہم کرناہے،ہمارے 7اہلکار زخمی ہوچکے ہیں،اسلام آبادمیں فوج کی ضرورت نہیں۔
آئی جی کا کہنا تھا کہ کارروائی وہاں کرتے ہیں جہاں ضرورت ہوتی ہے،حالات معمول پرلانے کی کوشش کررہے ہیں۔انہوں نے کہا کہ کسی پر کسی قسم کا تشدد نہیں کیاگیا،بے بنیاد بیانات سے گریز کیاجائے۔
علاوہ ازیں سابق وزیراعظم عمران خان کی گرفتاری کے بعد کئی ممالک نے اپنے شہریوں کو ٹریول ایڈوائزری جاری کر دی ہے۔