پی ٹی آئی رہنما ڈاکٹر یاسمین راشد کو پولیس نے گرفتار کر لیا۔ پی ٹی آئی رہنما عندلیب عباس نے اس سے متعلق دعویٰ کرتے ہوئے کہا کہ ڈاکٹر یاسمین راشد پولیس کے چھاپوں کی وجہ سے گھر میں موجود نہیں تھیں۔ 2 دن پہلے یاسمین راشد کے شوہر اور دیور کو بھی گرفتار کیا گیا تھا۔ یاسمین راشد کے شوہر کی طبیعت خراب ہونے پر انہیں چھوڑ دیا گیا تھا، لیکن ان کا دیور اب بھی پولیس کی حراست میں ہے۔ یاسمین راشد ڈیفنس یا کیولری گراؤنڈ میں موجود تھیں۔
دوسری جانب پولیس نے پی ٹی آئی کی مرکزی سینئر نائب صدر ڈاکٹر شیریں مزاری کو بھی گرفتار کرلیا۔ ان کو کو گھر سے گرفتار کرکے متعلقہ تھانے منتقل کردیا ہے۔ ان کی بیٹی ایمان مزاری کا کہنا ہے کہ پولیس نے گھر کا محاصرہ کر رکھا ہے اور سی سی ٹی وی کیمرے بند کردیے ہیں۔