تحریک انصاف کے رہنما شفقت محمود نے کہا ہے کہ 2قسم کے لوگ پارٹی چھوڑنے کا فیصلہ کررہے ہیں، ایک وہ جن کو ہم نے ٹکٹ نہیں دی اور دوسرے وہ جو پریشر برداشت نہیں کر رہے۔
چیئرمین پی ٹی آئی عمران خان سے زمان پارک میں ملاقات سے پہلے میڈیا سے گفتگو کرتے ہوئے انہوں نے کہا کہ شاید کوئی ایک دو لوگ ایسے ہوں جو نظریاتی طور پر اختلاف رکھتے ہوں۔
انہوں نے چودھری وجاہت حسین کے پارٹی چھوڑنے پر لاعلمی کا اظہار کیا۔
ان کا کہنا تھا کہ پاکستان اس وقت شدید بحران میں ہے، معاشی بحران بہت زیادہ ہے،اس وقت ضروری ہے کہ ہم سب ملکر الیکشن کی تاریخ کا فیصلہ کریں۔
انہوں نے کہا کہ معاشی بحران کا حل صرف انتخابات میں ہے،پی ٹی آئی الیکشن پر بات کرنے کیلئے تیار ہے۔