پاکستان تحریک انصاف کی سینیئر رہنما ڈاکٹر شیریں مزاری نے سیاست چھوڑنے کا اعلان کیا ہے جب کہ پنجاب سے سابق صوبائی وزیر فیاض الحسن چوہان نے بھی پارٹی کو خیرباد کہہ دیا۔منگل کو اسلام آباد میں ہنگامی نیوز کانفرنس کرتے ہوئے انہوں نے کہا کہ ’آج سے وہ کسی سیاسی جماعت کا حصہ نہیں ہیں۔‘ڈاکٹر شیریں مزاری کا کہنا تھا کہ ’اس وقت میرے بچے، میری والدہ اور میری صحت میری ترجیح ہے۔‘سابق وفاقی وزیر ڈاکٹر شیریں مزاری نے بتایا کہ ’گذشتہ دس بارہ دنوں کے دوران میرے اغوا اور رہائی کے دوران میری صحت کافی خراب ہوگئی۔’شیریں مزاری کے مطابق ’اس دوران میری بیٹی ایمان مزاری کو خاص طور پر تکلیف سے گزرنا پڑا۔‘’میں نے جیل جاتے ہوئے اس کی ویڈیو بھی دیکھی جب میں تیسری مرتبہ جیل جا رہی تھی تو وہ اتنا رو رہی تھی۔‘ انہوں نے کہا کہ ’ریاستی اداروں کو نشانہ بنانے کی سب کو مذمت کرنی چاہیے، میں بھی 9 مئی کے واقعات کی مذمت کرتی ہوں۔‘ڈاکٹر شیریں مزاری کو 9 مئی کو ہونے والے واقعات کے بعد تھری ایم پی او کے تحت گرفتار کرلیا گیا تھا۔عدالت نے تین مرتبہ انہیں ضمانت پر رہا کیا اور تینوں مرتبہ پولیس نے انہیں دوبارہ گرفتار کر لیا۔شیریں مزاری کا شمار تحریک انصاف کے مرکزی اور شعلہ بیاں رہنماؤں میں ہوتا تھا اور وہ ہر ایک ایشو پر اپنا موقف کھل کر بیان کرتی تھیں۔یاد رہے کہ تحریک انصاف کی رہنما ڈاکٹر شیریں مزاری کو مئی 2022 میں اسلام آباد سے ان کی رہائش گاہ کے باہر سے حراست میں لیا گیا تھا۔
شیریں مزاری کا شمار تحریک انصاف کے مرکزی اور شعلہ بیاں رہنماؤں میں ہوتا تھا (فائل فوٹو: پی ایم آفس)
اسلام آباد پولیس کے مطابق شیریں مزاری کو اینٹی کرپشن لاہور ونگ کے مقدمے پر گرفتار کیا گیا تھا۔
ڈاکٹر شیریں مزاری پر 40 ہزار کنال سے زائد اراضی غیر قانونی طور پر کمپنی کو منتقل کرنے کا الزام تھا اور ان کے خاندان پر یہ مقدمہ 1975 سے چلا آرہا ہے۔ فیاض الحسن چوہان نے بھی پی ٹی آئی چھوڑ دیادوسری جانب پاکستان تحریک انصاف کے رہنما اور سابق صوبائی وزیر فیاض الحسن چوہان نے بھی پی ٹی آئی چھوڑنے کا اعلان کر دیا۔اسلام آباد پریس کلب میں پریس کانفرنس سے خطاب میں ان کا کہنا تھا کہ 9 مئی کو جو کچھ ہوا اس پر دل دکھی ہے۔’پارٹی کو 9 مئی تک پہنچنے سے روکنے کے لیے قیادت نے کوئی کردار ادا نہیں کیا۔‘ان کا کہنا تھا کہ ان کے علاوہ پارٹی میں کسی نے عمران خان کو نہیں بتایا کہ سیاست میں تشدد نہیں ہوتا۔’گذشتہ ایک سال سے میں کھڈے لائن تھا۔ میرا زمان پارک اور بنی گالہ میں داخلہ بند تھا۔‘ایک سوال کے جواب میں فیاض الحسن چوہان نے کہا کہ وہ سیاست کریں گے، سیاست نہیں چھوڑ رہے ہیں۔جلیل شرقپوری کا تحریک انصاف چھوڑنے کا اعلانشیخوپورہ سے پاکستان تحریک انصاف کے رہنما اور سابق ایم پی اے جلیل شرقپوری نے تحریک انصاف کو خیرآباد کہہ دیا۔جلیل شرقپوری نے کہا کہ عدم اعتماد میں فوج کا کوئی کردار نہیں تھا، عمران خان نے پاک فوج کو بلاوجہ بدنام کیا۔ان کا کہنا تھا کہ 9 مئی کے واقعے پر بہت افسردہ ہوں، ’اس کی مکمل ذمہ داری عمران خان کی ہے۔‘