سابق وزیراعظم عمران خان نے اپنا نام ایگزٹ کنٹرول لسٹ میں ڈالنے کے فیصلے پر ردعمل دیتے ہوئے کہا ہے کہ ’میں حکومت کا شکریہ ادا کرنا چاہتا ہوں کیونکہ میرا بیرونِ ملک سفر کا کوئی ارداہ نہیں ہے۔‘جمعے کو اپنی ایک ٹویٹ میں چیئرمین تحریک انصاف عمران خان نے لکھا کہ ’میری نہ تو بیرونِ ملک کوئی جائیدادیں ہیں نہ کاروبار اور نہ ہی ملک سے باہر کوئی بینک اکاؤنٹ ہے۔‘انہوں نے مزید لکھا کہ ’جب بھی مجھے چُھٹی کا موقع ملے گا، شمالی پہاڑی علاقوں میں جانا چاہوں گا جو کرّہِ ارض پر میری پسندیدہ جگہ ہے۔‘I want to thank the government for putting my name on the ECL as I have no plans to travel abroad, because I neither have any properties or businesses abroad nor even a bank account outside the country.
If and when I do get an opportunity for a holiday, it will be in our…
— Imran Khan (@ImranKhanPTI) May 26, 2023
جمعرات کو مقامی میڈیا نے رپورٹ کیا تھا کہ حکومت نے سابق وزیراعظم عمران خان اور ان کی اہلیہ سمیت متعدد پی ٹی آئی کے کارکنان کے نام نو فلائی لسٹ میں شامل کیے ہیں۔پی ٹی آئی کے رہنماؤں کے نام سابق وزیراعظم عمران خان کی گرفتاری کے بعد ملک بھر میں ہنگاموں اور مقدمات کی وجہ سے ڈالے گئے ہیں۔