وزارت مذہبی امور نے سرکاری سکیم کے تحت محدود تعداد میں دستیاب ہارڈشپ کوٹے کے تحت 2 جون تک حج درخواستیں طلب کر لیں۔
وزارت مذہبی امور کی جانب سے بدھ کو جاری اعلامیے میں کہا گیا ہے کہ وہ خواہش مند عازمین حج جو کسی وجہ سے مقررہ تاریخ سے پہلے حج 2023 کے لیے رجسٹریشن نہیں کرا سکے، وہ اب محدود تعداد میں دستیاب ہارڈشپ کوٹے کے لیے درخواست جمع کرا سکتے ہیں۔ہارڈ شپ کوٹہ پہلے آئیے پہلے پائیے کی بنیاد پر الاٹ کیا جا رہا ہے۔’ہارڈشپ کوٹے کے لیے حج اخراجات میں کوئی رعایت نہیں ہے۔ خواہش مند عازمین حج 2 جون تک سیکشن افسر حج پالیسی، وزارت مذہبی امور، پہلی منزل، کوہسار بلاک، پاک سیکریٹریٹ، اسلام آباد کے نام اپنی درخواست جمع کراسکتے ہیں۔‘