لاہور: وزارت ریلوے نے موہنجو داڑو ایکسپریس کو بحال کرنے کا فیصلہ کر لیا ہے، فیصلے پرعمل درآمد 20 جولائی سے کیا جائے گا۔
اس ضمن میں ذمہ دار ذرائع نے بتایا ہے کہ بحال کی جانے والی موہنجوداڑو ایکسپریس اکانومی کلاس کی کل آٹھ بوگیوں پر مشتمل ہو گی۔
بحال کی جانے والی موہنجوداڑو ایکسپریس کوٹری سے روہڑی براستہ دادو اور حبیب کوٹ چلے گی۔
واضح رہے کہ موجودہ حکومت کے دور میں اس سے قبل بھی بند کی جانے والی ٹرینیں بحال کی گئی ہیں۔