سینئر تجزیہ کار و اینکر پرسن جاوید چودھری نے کہا ہے کہ نواز شریف کی واپسی اور چیئرمین پی ٹی آئی کی گرفتاری 16 ستمبر سے پہلے نہیں ہو گی ۔
ہم نیوز کے پروگرام ”پاورپولیٹکس” میں گفتگو کے دوران جاوید چودھری نے کہا ہے کہ سب کی خواہش ہے کہ چیف جسٹس آف پاکستان عزت کیساتھ گھر چلے جائیں، اس کے بعد ہی نواز شریف کی واپسی اور چیئرمین پی ٹی آئی کی گرفتاری ہو۔
انہوں نے کہا ہے کہ ایک خطرہ یہ ہے کہ اگرچیئرمین پی ٹی آئی کو گرفتار کیا گیا توان کو فوری طور پر عدلیہ کی سپورٹ مل جائے گی جیسے انہیں مسلسل ملتی آرہی ہے ۔
سینئر صحافی کا کہنا تھا کہ اسی وجہ سے خوف ہے کہ اگر نواز شریف آگئے توانہیں دو ماہ جیل میں گزارنے پڑیں گےاوراگر چیئرمین پی ٹی آئی کو گرفتار کیا گیا تو انہیں عدلیہ سے ریلیف مل جائے گااسی وجہ سے یہ دونوں فیصلے نہیں ہو پا رہے۔