کویت کی ائیرلائن جزیرہ ائیرویز کی پہلی پرواز پاکستان پہنچ گئی۔
کویتی ائیر لائن کی پہلی پرواز J9-511 کویت سے 163 مسافروں کو لے کرآج صبح ساڑھے چار بجے اسلام آباد انٹرنیشنل ائیرپورٹ پہنچی۔
ترجمان سول ایوی ایشن اتھارٹی کے مطابق جزیرہ ائیر ویز ہفتے میں دو پروازیں آپریٹ کرے گی، یہ پروازیں ہفتہ اور بدھ کوشیڈول کی گئی ہیں۔
واضح رہے کہ جزیرہ ایئرویز کویت کی سستی ایئرلائن سروس ہے، جزیرہ ائیر ویز یورپ، مشرق وسطیٰ، افریقا اور جنوبی ایشیا میں 63 مقامات کے لیے آپریٹ کرتی ہے۔