پیٹرولیم مصنوعات کی قیمتوں میں ہوشربا اضافے سے عوام کی مشکلیں مزید بڑھ گئیں، گزشتہ روز حکومت کی جانب سے عوام پر اچانک ہی پیٹروم بم گرا دیا گیا تھا۔
نئی قیمتوں کے مطابق، ڈیزل 19 روپے 90 پیسے مہنگا ہونے کے بعد 273 روپے 40 پیسے کا ہوگیا جبکہ، پیٹرول کی قیمت میں 19 روپے 95 پیسے اضافے کے بعد نئی قیمت 272 روپے 95 پیسے ہوگئی ہے۔
ایسی صورتحال میں جہاں عوام کا حشر نشر ہوگیا ہے وہیں وزیر مملکت برائے پیٹرولیم مصنوعات ڈاکٹر مصدق ملک نے ملک بھر میں پیٹرول مہنگا کرنے کی وجہ بتادی۔
انہوں نے کہا کہ، بین الاقوامی سطح پر تیل کی قیمتوں میں مسلسل اضافہ ہورہا ہے اور پچھلے 15 دن سے ہر روز یومیہ 2 ڈالر عالمی سطح پر تیل کی قیمت میں بڑھ رہے ہیں۔ ساتھ ہی ڈالر اور روپے کے ایکسچینج ریٹ کی وجہ سے پیٹرول مہنگا ہوا ہے۔