پاکستان کا ’ابابیل‘ ویپن سسٹم کا کامیاب تجربہ

image

پاکستان نے’ابابیل‘ ویپن سسٹم کا کامیاب تجربہ کیا ہے جس کا مقصد ممکنہ جارحیت کی روک تھام (ڈیٹرنس) کو مضبوط بنانا ہے۔

پاکستانی فوج کے شعبہ ابلاغِ عامہ نے بدھ کو اپنے ایک بیان میں کہا ہے کہ ’اس تجربے کا مقصد مختلف ڈیزائن، تکنیکی پیرامیٹرز اور ہتھیاروں کے ذیلی نظام کی کارکردگی کا جائزہ لینا تھا۔‘

بیان میں مزید کہا گیا ہے کہ ’میزائل سسٹم کا مقصد جارحیت کی روک تھام کو مضبوط بنانا اور اپنی تزویراتی استحکام کو خطے میں مزید بہتر بنانا ہے۔‘

’ابابیل‘ ویپن سسٹم کے کامیاب تجربے کے موقع پر چیئرمین جوائنٹ چیفس آف سٹاف کمیٹی جنرل ساحر شمشاد مرزا، سٹریٹجک پلاننگ ڈویژن اور سٹریٹجک فورسز کمانڈ کے سینیئر افسران اور ان اداروں کے سائنسدان اور انجینئرز بھی موجود تھے۔

چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے اس کامیاب تجربے میں تکنیکی صلاحیت، لگن اور عزم کو سراہا اور صدر مملکت، وزیراعظم اور سروسز چیفس نے بھی اس کامیابی پر اسٹریٹجک فورسز کے تمام ارکان کو مبارکباد دی۔


News Source   News Source Text

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US