کار ساز کمپنی ٹویوٹا نے اپنی گاڑیوں کی قیمتوں میں 13 لاکھ روپے سے زائد تک کی کمی کر دی ہے۔کمپنی کے مطابق ٹویوٹا نے اپنی گاڑیوں میں ایک لاکھ روپے سے لے کر 13 لاکھ روپے تک کی کمی کی ہے۔ٹویوٹا یارس 1.3 جی ایل آئی ایم ٹی کی قیمت 44 لاکھ 99 ہزار سے کم ہو کر 43 لاکھ 99 ہزار ہوگئی ہے۔اسی طرح یارس 1.5 اے ٹی آئی وی ایکس ایم ٹی کی قیمت ایک لاکھ 20 ہزار روپے کی کمی کے بعد 53 لاکھ 9 ہزار ہوگئی ہے۔ کرولا 1.6 ایم ٹی کی کی قیمت میں دو لاکھ روپے کی کمی ہوئی ہے جس کے بعد اِس کی نئی قیمت 59 لاکھ 69 ہزار ہوگی۔اسی طرح کرولا 1.6 سی وی ٹی میں دو لاکھ 10 ہزار کی کمی ہوئی ہے جس کے بعد اِس کی قیمت 65 لاکھ 59 ہزار روپے ہوگئی ہے۔صرف یہ ہی نہیں، ٹویوٹا رِیوو جی آر ایس کی نئی قیمت 7 لاکھ 90 ہزار روپے کی کمی کے بعد ایک کروڑ 35 لاکھ ہوگئی ہے۔ٹویوٹا نے اپنی گاڑیوں میں سب سے زیادہ کمی فورچیونر جی پیٹرول میں کی ہے جس کی نئی قیمت 13 لاکھ 10 ہزار روپے کی کمی کے بعد 1 کروڑ 44 لاکھ 99 ہزار روپے ہوگئی ہے۔ Toyota Motors car prices just dropped!
Read the blog: https://t.co/QlZxexEzNp#pwblog #PakWheels #Toyota #PriceDecrease #ToyotaRevo pic.twitter.com/gc96oxGCqJ
— PakWheels.com (@PakWheels) October 24, 2023
اسی طرح فورچیونر وی پیٹرول کی نئی قیمت 11 لاکھ روپے کی کمی کے بعد ایک کروڑ 99 لاکھ روپے ہوگئی ہے جبکہ فورچیونر جی آر ایس کی نئی قیمت 11 لاکھ 90 ہزار روپے کی کمی کے بعد ایک کروڑ 89 لاکھ 9 ہزار روپے ہوگئی ہے۔اس سے قبل لکی موٹر کارپوریشن (ایل ایم سی) اور ایم جی موٹرز نے بھی پاکستان میں اپنی گاڑیوں کی قیمتوں میں کمی کا اعلان کیا تھا۔واضح رہے پاکستان میں گاڑیوں کی قیمتوں میں کمی ڈالر کی پاکستانی روپے کے مقابلے میں قدر کم ہونے کے باعث کی جا رہی ہے۔