پاکستان میں پیٹرولیم مصنوعات کی قیمتوں میں ایک بار پھر ردوبدل کیا گیا ہے۔
بدھ کو وزارت خزانہ کی جانب سے جاری نوٹی فیکیشن کے مطابق ’پیٹرول کی فی لیٹر قیمت میں 2 روپے 4 پیسے کی کمی ہوئی ہے۔‘ ہائی سپیڈ ڈیزل کی فی لیٹر قیمت میں 6 روپے 47 پیسے جبکہ لائٹ ڈیزل کی قیمت میں 9 روپے 1 پیسے کی کمی کی گئی ہے۔پیٹرول کی فی لیٹر نئی قیمت 281 روپے 34 پیسے، ہائی سپیڈ ڈیزل کی 296 روپے 71 پیسے جبکہ لائٹ ڈیزل کی فی لیٹر نئی قیمت 180 روپے 45 پیسے مقرر کی گئی ہے۔اسی طرح مٹی کے تیل کی فی لیٹر قیمت 6 روپے 5 پیسے کم ہوئی ہے جس کے بعد اس کی نئی قیمت 204 روپے 98 پیسے ہوگئی ہے۔وزارت خزانہ کے مطابق ’پیٹرولیم مصنوعات کی نئی قیمتوں کا اطلاق بدھ اور جمعرات کی درمیانی رات 12 بجے سے ہو گیا ہے۔‘وزارت خزانہ کے مطابق ’پیٹرولیم مصنوعات کی قیمتوں میں ردوبدل آئل اینڈ گیس ریگولیٹری اتھارٹی (اوگرا) کی سفارش پر کیا گیا ہے۔‘