نگراں وزیراعظم انوار الحق کاکڑ امیر کویت نواف الاحمد الجابر الصباح کی وفات پر تعزیت کے لیے کویت سٹی کے لیے روانہ ہو گئے ہیں۔
پیر کو وزیراعظم آفس سے جاری بیان کے مطابق راولپنڈی کے نور خان ایئر بیس پر پاکستان میں کویت کے سفیر نے وزیر اعظم کو رخصت کیا۔خیال رہے شیخ نواف الاحمد الجابر الصباح کی وفات پرپاکستان آج ایک روزہ قومی سوگ منایا جارہا ہے۔آج ملک بھر میں قومی پرچم سرنگوں رہا۔اتوار کو نگران وزیر اعظم انوارالحق کاکڑ نے اعلان کیا تھا کہ پاکستان کے عوام اور حکومت کی طرف سے امیر کویت کی وفات پر کویتی عوام اور شاہی خاندان سے یکجہتی کے لیے 18 دسمبر کو ’قومی یوم سوگ‘ منایا جائے گا۔